Մեքսիկայում առևանգել են հարյուրավոր ամերիկյան վիզաներով բեռնատար

Մեքսիկայում գողերն առևանգել են երկրի քաղաքացիների համար նախատեսված հարյուրավոր ամերիկյան վիզաներով բեռնատար: Այս մասին հայտնում է Մոնտերեյ քաղաքի ԱՄՆ գլխավոր հյուպատոսությունը, հայտնում է ՌԻԱ «Նովոստին»:

Դիվանագիտական ներկայացուցչության տեղեկություններով՝ բեռնատարն ԱՄՆ-ից ուղևորել է Մոնտերեյ և Գվադալախարու, սակայն ճանապարհին՝ Մատամորոս քաղաքում, այն առևանգել են:

Արդյունքում տուժել են հարյուրավոր մեքսիկացիներ, որոնց վիզաներն արդեն հավանության էին արժանացրել հարևան երկրի իշխանությունները: Գլխավոր հյուպատոսարանը նաև նախազգուշացրել է խաբեբաների կողմից նրանց անձնական տվյալների կիրառման հնարավորության մասին: