Մեծ Բրիտանիայի Եղիսաբեթ Բ թագուհին ռեկորդային եկամուտ կստանա անշարժ գույքի գործարքներից

Մեծ Բրիտանիայի Եղիսաբեթ Բ թագուհին ռեկորդային եկամուտ կստանա իրեն պատկանող անշարժ գույքով կատարված գործարքներից, որը կառավարում Է Crown Estate ընկերությունը: Այս մասին, ինչպես տեղեկացնում Է «Արմենպրես»-ը, հաղորդել Է Financial Times թերթը: Օրենսդրության համաձայն՝ նման գործունեությունից բոլոր եկամուտներն ստացվում են պետության գանձարան, ինչից հետո Մեծ Բրիտանիայի միապետը երկու տարի անց ստանում Է իր 15 տոկոս բաժինը: Ընթացիկ տարվա առաջին երեք ամսում Crown Estate-ը վաստակել Է 285 միլիոն ֆունտ ստեռլինգ (450 միլիոն դոլար), այդ գումարից Եղիսաբեթ Բ-ն կստանա 43 միլիոն ֆունտ (շուրջ 67,9 միլիոն դոլար):

Crown Estate-ի գործադիր տնօրեն Էլիսոն Նիմնոն հայտնել Է, որ «անշարժ գույքի շուկայի դինամիկ զարգացման շնորհիվ 16 տոկոսով աճել Է ակտիվների ընդհանուր արժեքը՝ մինչեւ 11,5 միլիարդ ֆունտ (շուրջ 18,15 միլիարդ դոլար), ինչն այն դարձնում Է երկրի խոշորագույն ռիելտորական ընկերություններից մեկը»:

Ինչպես նշել Է հրատարակությունը, վերջին 10 տարում անշարժ գույքի թագավորական ընկերության թղթապանակի արժեքն աճել Է մոտավորապես կրկնակի ՝ պետությանը բերելով 2,3 միլիարդ ֆունտի (3,63 միլիարդ դոլարի) ընդհանուր շահույթ: «Մենք ժառանգել ենք գերազանց պորտֆոլիո՝ իրական արժեք ավելացնելով այնտեղ»,- հավելել Է Նիմնոն, հաղորդել Է ՏԱՍՍ գործակալությունը: