Ֆրանսիայի ներկայացուցիչը կմեկնի ԱՄՆ՝ պարզաբանումներ ստանալու լրտեսման սկանդալի շուրջը

Ֆրանսիայի հատուկ ծառայությունների բարձրաստիճան ներկայացուցիչը մոտ ժամանակներս կմեկնի ԱՄՆ, որպեսզի Միացյալ Նահանգների իշխանություններից պարզաբանումներ ստանա Ֆրանսիայի նախագահների լրտեսման սկանդալի առնչությամբ: Ինչպես տեղեկացնում Է «Արմենպրես»-ը, այս հայտարարությամբ հ անդես Է եկել Ֆրանսիայի կառավարության պաշտոնական ներկայացուցիչ Ստեֆան Լը Ֆոլը:

«Արագորեն որոշում Է ընդունվել, որ ֆրանսիական հետախուզության համակարգողը կմեկնի Միացյալ Նահանգներ՝ պարզաբանելու ստեղծված իրադրությունը»,- հայտնել Է նա նախարարների կաբինետի նիստի արդյունքներին նվիրված մամուլի ասուլիսում:

Լը Ֆոլը չի ցանկացել հայտնել Ֆրանսիայի հատուկ ծառայությունների ներկայացուցչի ո՛չ անունը, ո՛չ Էլ պաշտոնը, որին կհանձնարարվի այդ առաքելությունը: «Նա հատուկ ծառայությունների համակարգող Է, նա պետք Է մոտ օրերս մեկնի այնտեղ»,- հավելել Է կառավարության ներկայացուցիչը:

Միաժամանակ Ստեֆան Լը Ֆոլը հավաստել Է ավելի վաղ զանգվածային լրատվամիջոցների կողմից տարածված տեղեկատվությունն այն մասին, որ Ֆրանսիայում ԱՄՆ-ի դեսպան Ջեյն Հարթլին պարզաբանումների համար կանչվել Է հանրապետության արտգործնախարարություն: Նրա հանդիպումը նախարարության ղեկավար Լորան Ֆաբիուսի հետ տեղի կունենա հունիսի 24-ի երեկոյան նախարարության գլխավոր շենքում՝ Օրսեի առափնյա փողոցում, ճշտել Է նա:

Բացի դրանից, հավելել Է Լը Ֆոլը, կեսօրին Ելիսեյան պալատում կկայանա արտակարգ նիստ՝ նախագահ Օլանդի եւ ֆրանսիացի խորհրդարանականների մասնակցությամբ: Դրան կմասնակցեն խորհրդարանի երկու պալատների նախագահները, բոլոր խորհրդարանական խմբակցությունների ղեկավաները, ինչպես նաեւ Սենատի եւ Ազգային ժողովի արտաքին գործերի կոմիտեների ղեկավարները, հաղորդել Է ՏԱՍՍ-ը: