Ուկրաինայի հակամարտության երկու կողմերն էլ խախտում են հրադադարը. Մերկել

ԵՄ երկրների առաջնորդները գագաթնաժողովի ժամանակ չեն անդրադարձել Ուկրաինայի հակամարտությանը. հանդիպման արդյունքներով հայտարարել է Գերմանիայի կանցլեր Անգելա Մերկելը: Այս մասին հայտնում է ՏԱՍՍ-ը:

«Մենք կարող ենք անդրադառնալ այդ թեմային ուրբաթ, երբ խոսվի ԵՄ միասնական արտաքին քաղաքականության մասին»,- նշել է Մերկելը:

Կանցլերն ընդգծել է Մինսկի պայմանավորվածությունների վճռորոշ նշանակությունն ուկրաինական հակամարտության լուծման գործում:

«Ուկրաինայում հակամարտող երկու կողմերն էլ խախտում են հրադադարը: Անջատողականները դա անում են առավել հաճախ, սակայն համաձայնագիրը պետք է պահպանվի երկու կողմերի կողմից»,- նշել է Մերկելը: