Ճապոնիայի գնացքներից մեկում ուղևոր է ինքնահրկիզվել

Ճապոնական ճեպընթաց գնացքի վագոնում հրկիզումից մահացածը անձամբ է վառելիք լցրել վրան և ինքնասպանության նպատակով հրկիզվել: Այս մասին ոստիկանությանը հայտնել են դեպքի ականատեսները` փոխանցում է Kyodo գործակալությունը:

Գնացքն ուղևորվում էր Տոկիոյից Օսակա: Տուժել է առնվազն 10 ուղևոր:

Նման միջադեպերը ճապոնական երկաթուղիների պատմության մեջ բացառիկ երևույթ են: Անցած դարի 60-ականներից շահագործման ողջ ընթացքում ոչ մի խոշոր միջադեպ չի գրանցվել։