Ինդոնեզիայում ռազմական օդանավի կործանման զոհերի թիվը հասել է 141-ի

Ինդոնեզիայում ավիաաղետի զոհերի թիվը հասել է 141-ի, հայտնում է France 24-ը:

«Մենք ընդունել ենք 141 դի»,- հայտարարել է ոստիկանության ներկայացուցիչը հիվանդանոցներից մեկում:

Ավելի վաղ հաղորդվել է, որ օդանավում եղել է անձնակազմի 12 անդամ և 101 ուղևոր: Նախնական տվյալներով` բնակելի թաղամասում, որտեղ ընկել է ինքնաթիռը, զոհերը 45-ն են եղել:

Աղետը տեղի է ունեցել հունիսի 30-ին: Ռազմատրանսպորտային Hercules С-130 ինքնաթիռն ընկել է անմիջապես թռիչքից հետո: Վթարից առաջ օդաչուն հայտնել է, որ մտադիր է վերադառնալ` տեխնիկական խնդիրների պատճառով: