Պուտինը հաստատել է Վրաստանի հետ հանցագործներին փոխադարձաբար հանձնելու պայմանագրից հրաժարումը

Ռուսաստանի նախագահ Վլադիմիր Պուտինը հաստատել է Վրաստանի հետ հանցագործներին փոխադարձաբար հանձնելու պայմանագրից հրաժարվելու որոշումը, գրում է Газета.Ru-Ն:

«Ընդունել Ռուսաստանի կառավարության առաջարկությունը վրացական կողմին նախազգուշացնելու մասին, որ Ռուսաստանը մտադիր չէ լինել Ռուսաստանի ու Վրաստանի միջև 1996 թվականի մարտի 19-ին Մոսկվայում ստորագրված պայմանագրի մասնակից, որը նախատեսում է ազատազրկված անձանց հանձնում»,-ասված է փաստաթղթում:

Ավելի վաղ որոշումը հաստատել էր կառավարությունը, ինչից հետո փաստաթուղթն ուղարկվել էր Պուտինին:

Ներքին գործերի նախարարությանը հանձնարարվել է վրացական կողմին զգուշացնել նախագահի որոշման մասին: