Հալեպում մահապարտ ահաբեկիչը պայթեցրել է իրեն. կա 25 զոհ

Հալեպում «Ջեբհաթ Ալ-Նուսրա» խմբավորման մահապարտ գրոհայինն իրեն պայթեցրել է զինված ուժերի պահակակետի մոտ, ինչի հետևանքով զոհվել է առնվազն 25 մարդ: Այս մասին հայտնում է Reuters գործակալությունը:

Նշվում է, որ զոհերը զինծառայողներ են և սիրիական բանակի դաշնակցային ուժերի ներկայացուցիչներ: Բազմաթիվ մարդիկ տարբեր աստիճանի ծանրության մարմնական վնասվածքներ են ստացել:

Աղբյուրները նշում են, որ Սիրիայի զինված ուժերը կանխել են քաղաքը զավթելու ահաբեկչական խմբավորումների փորձը: