Թուրքմեն առաջնորդը Թուրքիային խորհուրդ չի տալիս ներխուժել Սիրիա
Աշխարհ
Սիրիայի թուրքմեննների ազգային շարժում կուսակցության առաջնորդ Թարըք Սյուլո Ջևիզջին Անկարային խորհուրդ չի տալիս զինված ուժեր մտցնել Սիրիա' համարելով, որ դա «խիստ ռիսկային» է Թուրքիայի համար:
Ինչպես հաղորդում է «Արմենպրես»-ը' վկայակոչելով թուրքական ԶԼՄ-ները, Ջևիզջին կարծիք է հայտնել, որ ռազմական միջամտության փոխարեն Թուրքիան կարող է իր նպատակին հասնել Սիրիայում Անկարային մոտ կանգնած ուժերին աջակցելու միջոցով:
«Թուրքիայի կողմից Սիրիա ներխուժումը քիչ հավանական է: Եթե դա տեղի ունենա, Թուրքիան շատ մեծ կորուստներ կունենա: Երկրի ներսում գաղտնի խմբավորումները գործողություններ կսկսեն և Թուրքիան կվերածվի քաոսի: Եթե Թուրքիան միջամտի «Իսլամական պետություն» խմբավորման վերահսկողության տակ գտնվող տարածաշրջաններում, կազմակերպությունը կարող է Թուրքիայի տարածքում ահաբեկչական միջոցառումներ իրագործել: Առանց ԱՄՆ-ի, Ռուսաստանի, Իրանի և Սաուդյան Արաբիայի աջակցության Թուրքիան կմնա դժվար կացության մեջ»,- ասել է սիրիացի թուրքմեն առաջնորդը:
Թուրքական ԶԼՄ-ների համաձայն' Անկարան տարբերակներ է քննարկում Թուրքիային սահմանակից Սիրիայի տարածքում մինչև 30 կմ խորությամբ այսպես կոչված «անվտանգության գոտի» ստեղծելու նպատակով թուրքական զինված ուժեր մտցնելու ուղղությամբ, ինչին դեմ է հանդես գալիս Արևմուտքը:
ՈՒՂԻՂ ԵԹԵՐ
Ամենադիտված 
Ռուբլին թանկացել է․ փոխարժեքն՝ այսօր
