Մոսկվա մեկնած հայ տղամարդը 7-րդ հարկից նետել է 16-ամյա աղջկան ու նրա շանը (տեսանյութ)
Ռուսաստան
Մոսկվայում ազգությամբ հայ տղամարդը յոթերորդ հարկի պատուհանից նետել է 16-ամյա աղջկան ու նրա շանը: Այս մասին հայտնում է «Ինտերֆաքսը»:
35-ամյա տղամարդու նկատմամբ քրեական գործ է հարուցվել:
Ըստ քննիչների՝ երկուշաբթի օրը 16-ամյա աղջկա հետ վիճաբանության ժամանակ տղամարդը դուրս է հրել նրան յոթերորդ հարկի պատուհանից: Դրանից անմիջապես հետո նա պատուհանից դուրս է նետել նաև աղջկա շանը:
Աղջկան ծանր վիճակում տեղափոխել են հիվանդանոց: Նրա վիճակը գնահատվում է ծայրահեղ ծանր:
Ազգությամբ հայ տղամարդը ձերբակալված է: Ձերբակալության ժամանակ տղամարդը հարբած և ոչ սթափ վիճակում է եղել և ի վիճակի չի եղել որևէ բացատրություն տալու:
Նշվում է, որ ձերբակալված տղամարդը վերջերս էր Հայաստանից մեկնել Ռուսաստան և վարձակալել էր մի սենյակ, որտեղ ապրել են 16-ամյա աղջիկն ու նրա մայրը: Կասկածյալը նաև ասել է, որ աղջիկն ինքն է ցանկացել նետվել պատուհանից:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
