Օբաման համոզված է ԻՊ-ին ոչնչացնելու գործում իրենց հաջողության մեջ

ԱՄՆ-ը և նրա դաշնակիցները հակակահաբեկչական գործողություններ իրականացնելու ընթացքում ավելի քան 5 հազար հարվածներ են հասցրել «Իսլամական պետության» դիրքերին: Ինչպես հաղորդում է «Արմենպրես»-ը՝ վկայակոչելով միջազգային լրատվամիջոցները, այս մասին տեղեկացրել է ԱՄ Ն նախագահ Բարաք Օբաման՝ հանդես գալով Օտար պատերազմների վետերանների կազմակերպության հանդիպմանը:

«Միջազգային դաշինքում ներառված են շուրջ 60 երկրներ, այդ թվում՝ արաբական դաշնակիցներ, որոնք պայքարում են ԻՊ-ի դեմ: Ես համոզված եմ, որ ԱՄՆ-ն չպետք է միջամտի Մերձավոր Արևելքում ևս մեկ խոշոր ցամաքային պատերազմին»,- նշել է Օբաման՝ ավելացնելով, որ իրենք անում ենք այն, ինչ կարող են, և դա օդային հարվածներն են ԻՊ-ի դեմ:

Օբաման նաև նշել է, որ դեռ հեռու են պայքարն ավարտին հասցնելուց. դրա համար ժամանակ է պահանջվում: Սակայն համոզված է, որ կոչնչացեն ահաբեկչական կազմակերպությանը:

ԱՄՆ-ի գլխավորությամբ միջազգային դաշինքը օդային ԻՊ-ի դեմ գործողությունները Իրաքում սկսել է 2014թ.-ի օգոստոսից, իսկ Սիրիայում՝ սեպտեմբերից:

Պենտագոնի տվյալներով կոալիցիայի գործողությունների ընթացքում ոչնչացվել է ծայրահեղականների ավելի քան 7600 օբյեկտներ: 2015թ.-ի հունիսի 18-ի դրությամբ ռազմական գորոծղությունների համար ծախսվել է մոտ երեք միլիարդ դոլար:

Ծայրահեղական կազմակերպություն ոչ պաշտոնական տվյալներով այժմ վերահսկում է Սիրիայի 50 և Իրաքի 40 տոկոսը: