Բարաք Օբաման կմեկնի Աֆրիկա` հարազատների մոտ

ԱՄՆ-ի նախագահ Բարաք Օբաման Քենիայում կայցելի իր հարազատներին՝ Աֆրիկա կատարվելիք աշխատանքային ուղևորության ժամանակ: Այս մասին մամուլի ասուլիսի ժամանակ հայտարարել է ԱՄՆ-ի նախագահի ազգային անվտանգության հարցերով խորհրդական Սյուզան Ռայսը. փոխանցում է РЕН ТВ-ն:

Նա նշել է, որ Օբաման չի պատրաստվում այցելել ընտանեկան նստավայրը, սակայն մտադիր է հանդիպել իր հարազատների հետ:

Ավելի վաղ հաղորդվել էր, որ ԱՄՆ-ի առաջնորդի աֆրիկացի հարազատները բազմիցս հայտարարել են, որ սպասում են նրան:

Նշենք, որ Օբաման առաջին անգամ կայցելի Քենիա՝ իր հոր հայրենիք՝ որպես նախագահ: Աշխատանքային այցի ժամանակ նա մասնակցելու է Աֆրիկայի տնտեսական զարգացման հարցով Global Entrepreneurship Summit բիզնես-համաժողովին: