ԱՄՆ-ում իրավախախտը երեք օր թաքնվել է օտար մարդկանց մահճակալի տակ
Աշխարհ
Արտասովոր դեպքը տեղի է ունեցել Նյու Ջերսիում: Սևամորթ տղամարդը` անհայտ պատճառով ներխուժել է մի տուն և թաքնվել մահճակալի տակ: Տանտիրուհուն պահանջվել է երեք օր` օտար մարդու ներկայությունը հայտնաբերելու համար. փոխանցում է LifeNews-ը:
Նկատելով, որ ինչ- որ մեկը գտնվում է իր տանը, Մարգարետ Ադամցեվիչը հավաքել է 911, և դեպքի վայր են ժամանել ոստիկանության աշխատակիցները: Նրանք հայտնաբերեցին մի սևամորթ տղամարդու` տան վերևի հարկում, տանտիրուհու դստեր սենյակում:
Իրավապահները զարմացել են, իմանալով, որ հանցագործին հաջողվել է ոչ միայն երեք օրվա ընթացքում աննկատ մնալ, այլև հարմարվել սենյակում: Տղամարդը նույնիսկ հասցրել է լիցքավորել իր բջջային հեռախոսները:
Ավելի ուշ Ադամցեվիչը հայտնել է ոստիկանությանը, որ այդ երիտասարդ տղամարդը ծանոթ է իրեն. Ջեյսոն Հաբարդը մի քանի տարի առաջ հարաբերությունների մեջ էր իր դստեր հետ, սակայն նրանք բաժանվել են, և այդ ժամանակից ի վեր նա չի տեսել նրան:
«Նա հանդիպում էր իմ դստեր հետ 5 տարի առաջ, սակայն նրանց մոտ ոչինչ չի ստացվել: Նա չի ասել, թե ինչու է վերադարձել: Նա պարզապես ընտրել է մեր տունը` թաքնվելու համար», - ասել է Մարգարետը:
Ոստիկանությունը ձերբակալել է Հաբարդին:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
