Ալպերում կայծակի հարվածի հետևանքով տուժել է 16 գերմանացի զինվոր

Ալպերում` Բավարիայի Գարմիշ-Պարտենկիրխեն քաղաքի մերձակայքում, կայծակը հարվածել է մի խումբ գերմանացի զինվորների, որոնք վարժանքներ էին անցնում տարածաշրջանում: Այս մասին հաղորդում է ՏԱՍՍ-ը:

Լեռներում սկսվել է քամի, անձրև ու կայծակ, երբ մոտ հարյուր գերմանացի զինվորներ վրանային ճամբար էին տեղադրում:

Կայծակի հարվածի հետևանքով տուժել է 16 մարդ, որոնցից երեքը տեղափոխվել է հիվանդանոց, իսկ մնացածին օգնություն է ցուցաբերվել տեղում:

Դեպքի վայր է ժամանել 17 շտապօգնության մեքենա և փրկարարական ուղղաթիռ: