Աշխարհում մարդկանց կեսից ավելին բացասաբար է գնահատում իր երկրի տնտեսության վիճակը

Զարգացած և զարգացող երկրների բնակիչների ավելի քան կեսը կարծում է, որ իրենց պետությունների տնտեսությունը գտնվում է վատ վիճակում: Այս մասին են վկայում հետազոտական Փյու կենտրոնի կատարած՝ հասարակական կարծիքի հարցման՝ հուլիսի 23-ին հրապարակված տվյալները: Բացասական և դրական կարծիքների հարաբերակցությունն այս երկու կատեգորիաներ ում կազմել է համապատասխանաբար 56 տոկոս 40 տոկոսի և 55 տոկոս 45 տոկոսի դիմաց, տեղեկացնում է «Արմենպրես»-ը:

Զարգացած երկրների թվում երկրի տնտեսական վիճակից ամենից շատ գոհ են Գերմանիայում՝ նրանք կազմում են 75 տոկոս, այլ կերպ է կարծում սոսկ 23 տոկոսը: ԱՄՆ-ում 56 տոկոսը բացասաբար է գնահատում ֆինանսական ոլորտի իրադրությունը, իսկ դական՝ 40 տոկոսը: Իրենց տնտեսությունից ամենից շատ դժգոհ են իտալացիները (88 տոկոս 12 տոկոսի դիմաց):

Ռուսաստանում, որին սոցիոլոգները դասել են զարգացող երկրների կատեգորիային, հարցման մասնակիցների 73 տոկոսը կարծում է, որ պետության տնտեսությունը բարդություններ է կրում, հակառակ կարծիքին է քաղաքացիների 24 տոկոսը: Հետազոտության հեղինակները նշում են, որ 2014 թվականին վերջինների բաժինը եղել է ավելի շատ՝ 44 տոկոս: Երկրների այս խմբում բնակիչների դրական տրամադրվածությամբ առաջատարը Չինաստանն է, որտեղ ճնշող մեծամասնությունը՝ 90 տոկոս, ոչ մի կարգի կասկած չունի:

Ճիշտ հակադիր իրադրությունն է առաջացել Ուկրաինայում, որտեղ, ընդհակառկը, հարցվածների 94 տոկոսը համոզված է, որ երկիրը ֆինանսական դժվարություններ է կրում, այլ կարծիք ունի սոսկ 3 տոկոսը:

Հարցումն անցկացվել է 2015 թվականի մարտի 25-ից մինչև մայիսի 27-ը 40 երկրներում, դրան մասնակցել է 45 435 մարդ, հաղորդել է ՏԱՍՍ-ը: