Հնդկաստանում ահաբեկիչները պատանդներ են վերցրել ոստիկանության բաժանմունքում

Ահաբեկիչները, ովքեր հարձակվել են Հնդկաստանի հյուսիսում գտնվող ոստիկանության բաժանմունքի վրա, պատանդ են վերցրել մի քանի մարդու, հայտնում է India Today-ը:

Նախ, ահաբեկիչները գնդակոծել են ուղևորատար ավտոբուսը, այնուհետև ներխուժել են ոստիկանության բաժանմունք և հրաձգություն են սկսել:

Ըստ նախնական տվյալների, շենքում բարիկադավորվել է մոտ 15 զինված ծայրահեղական:

Ինչպես հայտնի է դարձել, հարձակման հետևանքով զոհվել է ութ մարդ: Տեղական ԶԼՄ-ները կատարված հարձակումը համարում են ահաբեկչական գործողություն:

Հնդկաստանի իշխանությունները հարձակումից հետո ուժեղացրել են վերահսկողությունը՝ Պակիստանի հետ սահմանին: