ՌԴ-ում 2015-ին գնաճը կլինի 10,5-11 տոկոսի սահմաններում

Ռուսաստանի Դաշնությունում 2015 թվականի արդյունքներով գնաճը կլինի 10,5-11 տոկոսի սահմաններում, մոտ վերին շեմին: Ինչպես հաղորդում է «Արմենպրես»-ը'վկայակոչելով «Ռիա-նովոստի»-ն, այդ մասին լրագրողների հետ զրույցում նշել է ՌԴ ֆինանսների նախարարի տեղակալ Մաքսիմ Օրեշկինը:

«Գտնում ենք, որ նավթի ներկայիս գների պահպանման դեպքում գնաճը կլինի 10,5-11 տոկոսի սահմաններում, և ամենայն հավանականությամբ, մոտ վերին շեմին»,- նշել է Օրեշկինը:

ՌԴ տնտեսական զարգացման նախարար Ալեքսեյ Ուլյուկաևն ավելի վաղ հայտարարել է, որ ՌԴ-ում սպասվում է սպառողական գների աճ' 10-10,5 տոկոսի սահմաններում:

Տնտեսական զարգացման նախարարության պաշտոնական կանխատեսմամբ' ՌԴ-ում գնաճը կկազմի 11,9 տոկոս, իսկ Կենտրոնական բանկի կանխատեսմամբ' 10,8 տոկոս: