Հարավային Կորեան հայտարարել է MERS-ի նկատմամբ հաղթանակի մասին

Կորեայի Հանրապետությունը հայտարարել է երկրում շնչուղիների մերձավորարևելյան համախտանիշի կորոնավիրուսի բռնկման փաստական ավարտի մասին: Ինչպես տեղեկացնում է «Արմենպրես»-ն, այս մասին հայտարարել է երկրի վարչապետ Հվան Գյո Անը:

«Տարբեր գործոնների հանգամանալից քննարկումից հետո կառավարության ներկայացուցիչները և բժշկական աշխատողները հանգել են այն եզրակացության, որ վարակն այլևս քաղաքացիներին չի սպառնում»,- ընդգծել է նա առողջապահության և սոցիալական ապահովության նախարարության աշխատակիցների հետ կայացած հանդիպմանը:

Վարչապետը նաև մարդկանց խնդրել է «հնարավորինս արագ վերադառնալ բնականոն կյանքի»:

Հուլիսի 27-ին տնային կարանտինից հանվել է վերջին հիվանդը, որը կարող էր վարակված լինել կորոնավիրուսով:

Վտանգավոր վարակով վարկման նոր դեպքեր երկրում չեն գրանցվել արդեն վերջին 23 օրվա ընթացքում, հաղորդել է ՏԱՍՍ-ը: