Կանխվել է Վրաստանից Թուրքիա խոշորագույն մաքսանենգությունը

Թուրքական իշխանությունները Վրաստանի հետ Սարպի անցակետում առգրավել են 7,9 մլն դոլար արժողությամբ սիգարետի 3,5 միլիոնից ավելի տուփ, որը երկրի պատմության մեջ այդ ապրանքի ամենախոշոր մաքսանենգ խմբաքանակն է:

Այս մասին, ինչպես հաղորդում է «Արմենպրես»-ը' վկայակոչելով թուրքական ԶԼՄ-ները, ասվում է Թուրքիայի առևտրի և մաքսային ծառայության նախարարության կողմից արված հայտարարության մեջ:

«Վրաստանի հետ սահմանին Սարպի հսկիչ-անցագրային կետում անցկացված գործողության ընթացքում կանխվել է ժամանակակից Թուրքիայի պատմության մեջ խոշորագույն մաքսանենգ սիգարետի խմբաքանակի ներկրումը: Հինգ բեռնատարներ տեղափոխում էին 22 մլն թուրքական լիրա (7,9 մլն դոլար) արժողությամբ սիգարետի 3,5 մլն տուփ»,- ասվում է հայտարարության մեջ:

Նշվում է, որ գործողությունը նախապատրաստվել էր երեք ամսվա ընթացքում և հետախուզության մասնակցությամբ անցկացվել է մաքսային հսկողության և մաքսանենգության դեմ պայքարի ծառայության աշխատակիցների կողմից: Գործողության ընթացքում բերման են ենթարկվել 15 մարդ, այդ թվում՝ մաքսատան 5 աշխատակիցներ: