Lexus-ը պաշտոնապես ներկայացրել է թռչող սքեյթբորդի տեսագրությունը

Lexus-ը պաշտոնապես ներկայացրել է իր թռչող տախտակի (հովերբորդի) նախատիպը: Այդ մասին, ինչպես տեղեկացնում է «Արմենպրես»-ը, հաղորդվում է Toyota ընկերության մամուլի տեղեկագրում: Amazing in Motion նախագծի շրջանակներում ֆիրման ցուցադրել է տեսագրություն, որտեղ սքեյթբորդիստ մարզիկ Ռոս ՄակԳուրանը ցուցադրում է թռչող տախտակի հետ վարվելու հատուկ տեխնիկա:

Lexus Hoverboard նախագիծը մեկնարկել է մեկուկես տարի առաջ՝ Դրեզդենի Պինդ մարմինների և նյութագիտության բնագավառի հետազոտությունների ինստիտուտի գիտնականների մասնակցությամբ, որոնք մասնագիտացել են մագնիսական լևիտացիայի բնագավառում: Հենց այս տեխնոլոգան էլ դրվել է հովերբորդի հիմքում. երկրային ձգողականության ուժը հաղթահարվում է հեղուկ ազոտով տախտակի գերհաղորդիչների՝ ըստ Ցելսիուսի մինչև մինուս 197 աստիճան սառեցման և սքեյթ-պարկում հատուկ մագնիսական ծածկույթի միջոցով: Տախտակի դեկան պատրաստված է հնդկեղեգից:

Lexus-ի թռչող տախտակն առայժմ կմնա աշխատանքային մոդելի փուլում և վաճառքի չի հանվի: Նախագծի և կոնկրետ սարքի արժեքի մասին չի հաղորդվում: