Իրաքյան ուժերը մեծ վնասներ են հասցրել Իսլամական պետությանը

Իրաքյան ուժերն «Իսլամական պետության» դեմ պայքարի շրջանակներում մի քանի քաղաքներում խոշոր վնասներ են հասցրել ահաբեկիչներին: Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, ռազմական գործողություններին մասնացկել են իրաքյան բանակը, ոստիկանությունը և կամավորական ջոկատներ:

Ռամադի քաղաքի արևելքում՝ Հասիբա շրջանում, 46 ահաբեկիչներ են սպանվել: Ոչնչացվել են նաև նրանց 13 փոխադրամիջոցները: Իրաքյան ուժերը վերահսկողություն են հաստատել զինապահեստի վրա, որոնք ահաբեկիչներն օգտագործում էին տների և մեքենաների ականապատման համար: 17 ահաբեկիչներ սպանվել, ևս 30-ը վիրավորվել է Սալահ ադ Դին նահանգի Թիքրիթ քաղաքի հյուսիս-արևելքում: Եվս 19-ն ահաբեկիչներ սպանվել են Թիքրիթի Համրին շրջանում: Աղբյուրը տեղեկացնում է, որ իրաքյան ուժերը վերահսկողություն են հաստատել Բայջիի նավթավերամշակման գործարանի նավթային պահեստներից մեկի վրա: Հույջա շրջանի 36 ընտանիքներ հեռացել են իրենց տներից՝ խուսափելով ԻՊ-ի հարձակումներից: Նախորդ օրերի ընթացքում ԻՊ-ն Հուեյջայում 21 խաղաղ բնակիչների մահապատժի էր ենթարկել:

«Իսլամական պետություն» իսլամիստական ահաբեկչական կազմակերպությունը գործում էՍիրիայի և Իրաքի տարածքներում: 2013թ. ապրիլին «Ալ Քաիդա»-ի երկու ճյուղերի միավորմանարդյունքում ձևավորվել է խմբավորում՝ «Իրաքի և Լևանտի իսլամական պետություն» անվանումով,որի նպատակն էր կազմավորել իսլամական էմիրություն Լիբանանի, Սիրիայի և Իրաքի տարածքներում: 2014թ. հունիսի 29-ին ԻԼԻՊ-ը Սիրիայի և Իրաքի գրաված տարածքներում հայտարարել է Իսլամական խալիֆաթ հիմնելու մասին, որի խալիֆ է նշանակվել Աբու Բաքր ալ-Բաղդադին: Այնուհետև կազմակերպության անվանումը փոխելու որոշում է ընդունվել, և այնվերանվանվել է «Իսլամական պետություն»: Խմբավորման կազմում կռվում են 80 երկրի զինյալներ: