ԱՄՆ-ն Իրաքին է հանձնել ԻՊ-ի ղեկավարներից մեկի կնոջը

ԱՄՆ-ն օգոստոսի 7-ին Իրաքի իշխանություններին է հանձնել «Իսլամական պետության» ղեկավարներից մեկի՝ Աբու Սիյաֆի կնոջը: Աբու Սիյաֆը սպանվել է Սիրիայի արևելքում ամերիկյան հատուկ ծառայությունների իրականացրած գործողությունների արդյունքում: Նա ԻՊ-ում հայտնի անձնավորություն էր և զբաղվում էր նավթի, գազի վաճառքով և ֆինանսական անօրինական գործունեությամբ:

Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, ահաբեկչի կինը՝ Նաշին Ասադ Իբրահիմը, ով նաև հայտնի է Ումմ աս Սայաֆ անունով, մայիսի 15-ին ձերբակալվել է ամերիկացի զինծառայողների կողմից՝ ԻՊ-ի ահաբեկչական գործողություններն մասնակից լինելու կասկածանքով: Ներկայումս Ումմ աս Սայաֆը գտնվում է Իրաքյան Քրդստանում:

«Իսլամական պետություն» իսլամիստական ահաբեկչական կազմակերպությունը գործում է Սիրիայի և Իրաքի տարածքներում: 2013թ. ապրիլին «Ալ Կաիդա»-ի երկու ճյուղերի միավորմանարդյունքում ձևավորվել է խմբավորում՝ «Իրաքի և Լևանտի իսլամական պետություն» անվանումով,որի նպատակն էր կազմավորել իսլամական էմիրություն Լիբանանի, Սիրիայի և Իրաքիտարածքներում:

2014թ. հունիսի 29-ին ԻԼԻՊ-ը Սիրիայի և Իրաքի գրաված տարածքներումհայտարարել է Իսլամական խալիֆաթ հիմնելու մասին, որի խալիֆ է նշանակվել Աբու Բաքր ալԲաղդադին: Այնուհետև կազմակերպության անվանումը փոխելու որոշում է ընդունվել, և այնվերանվանվել է «Իսլամական պետություն»: Խմբավորման կազմում կռվում են 80 երկրի զինյալներ: