Մեծ Բրիտանիան կպատրաստի 2 հազար ուկրաինացի զինվորականների
Աշխարհ
Մեծ Բրիտանիան մինչեւ 2016 թվականի մարտի 31-ը կպատրաստի 2 հազար ուկրաինացի զինվորականների: Այդ մասին, ինչպես տեղեկացնում Է «Արմենպրես»-ը, Մեծ Բրիտանիայի պաշտպանության նախարար Մայքլ Ֆելոնը հայտարարել է իր պաշտոնակից Ստեպան Պոլտորակի հետ Կիեւում կայացած հանդիպմանը:
«Բրիտանիան նպատակ է դրել դասընթացներին մասնակցող ուկրաինացի զինվորականների թվաքանակն ավելացնել մինչեւ 2 հազար: Եվ մենք ցանկանում ենք այդ դասընթացներն ավարտել մինչեւ Բրիտանիայում ֆինանսական տարվա վերջը՝ մինչեւ մարտի 31-ը»,-հայտնել Է նա:
Ֆելոնը նաեւ տեղեկացրել է, որ Մեծ Բրիտանիան ուկրաինական բանակի արդեն 100-ից ավելի զինծառայողների Է պատրաստել, եւ այդ ծրագիրն ընդլայնվելու է:
Ավելի վաղ հաղորդվել Էր, որ Միացյալ Նահանգներն առաջիկա աշնանը կսկսեն Ուկրաինայի զինված ուժերի զինվորների ու սպաների ուսուցումը: Ինչպես հայտնել է ԱՄՆ-ի պետդեպարտամենտի պաշտոնական ներկայացուցիչ Մարկ Թոները, խոսքն ուկրաինական բանակի «ոչ մեծ ստորաբաժանման» մասին Է, որին ԱՄՆ-ի հրահանգիչներն ուսուցանելու են երկրի արեւմուտքում, հաղորդել Է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
