ԱՄՆ-ում 13-ամյա աղջիկն իր երգով Թրամփին կոչ է արել հրաժարվել նախագահական ընտրարշավից

ԱՄՆ-ում 13-ամյա Մոլլի Բերգմանը գրել եւ կատարել Է երգ՝ հասցեագրված Հանրապետական կուսակցությունից ԱՄՆ-ի նախագահի հնարավոր թեկնածու Դոնալդ Թրամփին: Դրանում աղջիկը քաղաքական գործչին կոչ Է անում դուրս գալ նախընտրական արշավից, հաղորդում Է «Արմենպրես»-ը՝ հղում անելով The Huffington Post-ին:

Մեկուկես րոպե տեւող տեսահոլովակում աղջիկը դիմում Է բազմամիլիարդատիրոջը. «Թանկագին պարոն Թրամփ, դադարեք այդքան հիմար լինելուց»:

Բերգմանը նաեւ Թրամփին խորհուրդ Է տալիս ներողություն խնդրել այն կանանցից, որոնց նա վիրավորել Է: Կրկներգում աջիկը երգում Է. «Ժամանակն Է հեռանալու, մենք արդեն դիտել ենք ձեր շոուն, սկզբում ուրախ Էր, բայց այժմ ժամանակն Է հեռանալու»:

Բազմամիլիարդատերը քանիցս վիրավորական ձեւով Է խոսել ամերիկացի դերասանուհիների, լրագրողուհիների ե կին քաղաքական գործիչների մասին: Ինչպես գրել Է USA Today-ը, հեռուստահաղորդավարուհի Ռոզի Օ’Դոնելին Թրամփն անվանել Է «նողկալի անձնավորություն, փնթի կին՝ ճարպոտ եւ սոսկալի դեմքով»:

The Washington Post-ի հարցման տվյալների համաձայն, որոնք հրապարակվել են հուլիսի 20-ին, Թրամփն առաջատարն Է Հանրապետական կուսակցության պոտենցիալ թեկնածուների թվում: Նրան պաշտանում Է ընտրողների շուրջ 20 տոկոսը: Ընտրարշավի ընթացքում, որն սկսելու մասին նա հայտարարել Է հունիսի 16-ին, քաղաքական գործիչը մեկ անգամ չԷ, որ հայտնվել Է սկանդալի կենտրոնում: