Խաղաղապահների հանցագործությունները ՄԱԿ-ի «քաղցկեղային ուռուցքն են». Պան Գի Մուն

ՄԱԿ-ի գլխավոր քարտուղար Պան Գի Մունը մտադիր Է արդարադատությանը հանձնել սեռական հանցագործությունների մասնակից խաղաղապահներին, ինչպես նաեւ նրանց հրամանատարներին: Այս հայտարարությունը նա արել Է Կենտրոնաֆրիկյան Հանրապետությունում (ԿԱՀ) աղջկա բռնաբարության համար «կապույտ սաղավարտակիրներին» հասցեագրված մեղադրանքների ֆոն ին, հաղորդում Է «Արմենպրես»-ը՝ հղում անելով Associated Press-ին:

Պան Գի Մունը խաղաղապահների հակաօրինական գործողությունները համարել Է «ՄԱԿ-ի քաղցկեղային ուռուցքն»՝ ընդգծելով, որ խաղապահները հակաօրինական գործողություններ կատարում են ոչ միայն Կենտրոնաֆրիկյան Հանրապետությունում:

Նա տեսախորհրդաժողով Է վարել 16 առաքելությունների ղեկավարների հետ, որոնց թվակազմը գերազանցում Է 100 հազարը: Ինչպես հաղորդել Է ՏԱՍՍ-ը, Պան Գի Մունը մատնանշել Է ղեկավարների ուղղակի պատասխանատվությունը առաքելությունների ներսում կարգապահության պահպանման համար:

Օգոստոսի 11-ին իրավապաշտպան կազմակերպությունը հրապարակել Է տվյալներ, որոնց համաձայն խաղաղապահներից մեկն օգոստոսի 2-ին 12-ամյա աղջկա Է բռնաբարել ԿԱՀ-ի մայրաքաղաք Բանգիում, իսկ օգոստոսի 3-ին «կապույտ սաղավարտակիրները» հորը եւ որդուն գնդակահարել են նրանց սեփական տան մոտ: Այս մեղադրանքների ֆոնին ԿԱՀ-ում ՄԱԿ-ի Կայունացման բազմապրոֆիլ համալիր ներկայացուցչության ղեկավար Բաբաքար Գայեն պաշտոնաթող Է եղել: