Քլինթոնն Օբամայի հետ վիճել է Արկտիկայում նավթի արդյունահանման հարցում

Հիլարի Քլինթոնը Սպիտակ տան ներկայիս ղեկավար Բարաք Օբամայի հետ վիճել Է Արկտիկայում նավթի արդյունահանման նպատակահարմարության հարցում՝ հաղորդագրություն զետեղելով Twitter-ի իր պաշտոնական Էջում, տեղեկացնում Է «Արմենպրես»-ը:

«Արկտիկան եզակի գանձ Է: Ելնելով մեզ հայտնի փաստերից՝ հորատումն այնտեղ չափազանց վտանգավոր Է»,-նշել Է նախկին առաջին տիկինը եւ Դեմոկրատական կուսակցությունից նախագահի թեկնածուն:

Հաղորդագրության վերջում «-H» ստորագրությունը հաստատում Է, որ դրա հեղինակը եղել Է քաղաքական գործիչն ինքը, այլ ոչ թե նրա մամուլի քարտուղարը: Հայտարարությունը ցանցում հայտնվել Է այն բանից մեկ օր անց, երբ ԱՄՆ-ի ներքին գործերի նախարարությունը (կառավարում Է երկրի բնական պաշարները) ամերիկյան վարչակազմի արտոնմամբ Shell ընկերությանը թույլ Է տվել հորատումներ կատարել Արկտիկայում:

Քլինթոնի ռեպլիկին շտապել են պատասխանել նախընտրական արշավում Հանրապետական կուսակցությունից նրա ընդդիմախոսները: Ֆլորիդայի նախկին նահանգապետ Ջեբ Բուշը գրել Է. «Ճիշտ չԷ: Էներգետիկայի Էլ ավելի մեծ հակառակորդ լինել, քան Օբաման, դա արդեն չափազանց Է: Մենք պետք Է ընդունենք Էներգետիկ հեղափոխությունը եւ այն օգտագործենք գները նվազեցնելու եւ աշխատատեղեր ստեղծելու համար»:

Նյու Ջերսիի նահանգապետ Քրիս Քրիստին նշել Է, որ Քլինթոնն այդպես Էլ չարտահայտեց իր կարծիքը Keystone նավթատարի ընդլայնման չորրորդ փուլի կապակցությամբ, որի դեմ ակտիվորեն հանդես են գալիս «կանաչները» եւ մի շարք քաղաքացիական ակտիվիստներ:

Նախկին առաջին տիկնոջ կուսակիցները, որոնք նույնպես պայքարում են երկրի բարձրագույն պաշտոնն զբաղեցնելու իրավունքի համար՝ Բեռնի Սանդերսը եւ Մարտին Օ՛ Մելլին, ավելի վաղ արդեն դեմ են արտահայտվել ե՛ւ Արկտիկայում նավթի արդյունահանմանը, ե՛ւ Keystone-ի ընդլայնմանը:

Դիտորդները նշում են, որ Քլինթոնն առաջին անգամ Է, որ բացահայտորեն չի համաձայնել Օբամայի որոշմանը: Ավելի վաղ նա նախընտրում Էր ձեռնպահ մնալ այնպիսի մեկնաբանություններից, որոնք կարող Էին երկու քաղաքական գործիչների միջեւ թերըմբռնման տպավորություն ստեղծել: