Կադրային փոփոխություններ ոստիկանությունում

Այսօր՝ ապրիլի 18–ին, Ոստիկանության Մաշտոցի բաժնի աշխատակիցներին Երևան քաղաքի Ոստիկանության վարչության պետի օպեր գծով տեղակալ, ոստիկանության գնդապետ Աշոտ Միրիջանյանը ներկայացրեց Ոստիկանության Մաշտոցի բաժնի նոր պետին։

Ինչպես հայտնում է ֆոտոլրագրող Գագիկ Շամշյանը, երեկ ապրիլի 17-ին ՀՀ Ոստիկանապետ գեներալ–լեյտենանտ Վլադիմիր Գասպարյանի հրամանով աշխատանքից ազատվել և կադրերի ռեզերվ է վերցվել Ոստիկանության Մաշտոցի բաժնի պետ գնդապետ Ավետիք Աբրահամյանը։

ՀՀ Ոստիկանապետի մեկ այլ հրամանով այդ պաշտոնին նշանակվել է ոստիկանության փոխգնդապետ Մհեր Ավագյանը, ով մինչ այդ եղել է կադրերի ռեզերվում։ Ի դեպ, Գ. Շամշյանը հայտնում է, որ իր տեղեկություններով Մհեր Ավագյանը Ոստիկանությունում շարքային պաշտոն սկսել է վարել հենց Մաշտոցի բաժնից։

ՀՀ Ոստիկանապետի մեկ այլ հրամանով Ոստիկանության գնդապետ Եգոր Անտոնյանը ազատվել է Ոստիկանության Արարատի մարզային վարչության պետի օպերգծով տեղակալի պաշտոնից։ Այդ պաշտոնին նշանակվել է Ոստիկանության փոխգնդապետ Սերգեյ Գալստյանը։ ՀՀ Ոստիկանապետի մեկ այլ հրամանով աշխատանքից ազատվել և կադրերի ռեզերվ է վերցվել Ոստիկանության Արտաշատի բաժնի պետ, ոստիկանության գնդապետ Արամ Հովհաննիսյանը։ Ոստիկանապետի մեկ այլ հրամանով ոստիկանության փոխգնդապետ Լաերտ Գրիգորյանը նշանակվել է Ոստիկանության Արտաշատի բաժնի պետ, ով մինչ այդ եղել է Ոստիկանության կադրերի ռեզերվում։

Tert.am