Վրաստանի ՆԳՆ նախկին փոխնախարարի վրա զինված հարձակում է իրականացվել

Վրաստանում զինված հարձակում է տեղի ունեցել երկրի ներքին գործերի նախկին փոխնախարար Լևան Գվազավայի վրա, գրում է  «Ինտերֆաքս»-ը` վկայակոչելով Վրաստանի դատախազությանը:

Ինչպես հաղորդվում է, հանցագործները դարանակալել են Թբիլիսի-Տաբախմելա ճանապարհին և կրակ են բացել Գվազավայի ու նրան ուղեկցող ազգականի` Ռեզո Կալոմլեցավիի ուղղությամբ: Վերջինս տեղում մահացել է:

Գվազավան գլխին ստացած հրազենային վնասվածքով տեղափոխվել է հիվանդանոց: Նա կոմայի մեջ է, միացված է արհեստական շնչառության սարքը: