Freedom House-ը Հայաստանի իշխանություններից պահանջում է շուտափույթ քննել ՀՔԱ Վանաձորի գրասենյակի ուղղությամբ հարձակումը

Հայաստանում իրավապաշտպան կազմակերպությունը հարձակման է ենթարկվել

Freedom House-ը հորդորում է հայկական իշխանություններին շուտափույթ և անկախ կերպով քննել «Հելսինկյան Քաղաքացիական Ասամբլեայի Վանաձորի գրասենյակ» առաջատար իրավապաշտպան կազմակերպության նկատմամբ խմբակային հարձակումը և ոստիկանության կողմից միջամտության բացակայությունը, երբ բռնություններ սկսվեցին:

2012 թ. ապրիլի 16-ին շուրջ 200 քաղաքացիներ հավաքվել էին ՀՔԱ Վանաձորի գրասենյակի մոտ' բողոքելու ադրբեջանական չորս կարճամետրաժ ֆիլմերի ցուցադրության դեմ, որոնք պետք է ցուցադրվեին հաջորդ օրը՝ ադրբեջանական ֆիլմերի փառատոնի շրջանակներում: Երբ բողոքի ակցիայի կազմակերպիչների և ՀՔԱ Վանաձորի գրասենյակի ղեկավարի բանակցությունները երկարեցին, ամբոխը դարձավ անհանգիստ և ջարդեց պատուհանները՝ սպառնալով այլ բռնություններ կիրառել, եթե փառատոնի կազմակերպիչները չհրաժարվեին ֆիլմերը ցուցադրելուց: Ամբոխը վերջապես ցրվեց, երբ ՀՔԱ Վանաձորի գրասենյակի նախագահ Արթուր Սաքունցը հայտարարեց, որ ֆիլմերի փառատոնը չեղյալ է հայտարարվում:

Ֆիլմերի փառատոնը Խաղաղասիրական նախաձեռնությունների Կովկասյան կետրոնի ծրագիրն էր՝ նպաստելու Հայաստանի և Ադրբեջանի միջև հաշտեցմանը, բայց, ինչպես հայտնվում է, հայ ազգայնական խմբերը և քաղաքական կուսակցությունները միասին են կազմակերպել միջոցառումը դադարեցնելուն ուղղված ակցիան:

Ֆիլմերի ցուցադրությունը նախկինում պլանավորվել էր Գյումրիի Ասպարեզ լրագրողների ակումբում, բայց չեղյալ էր հայտարարվել նպատատիպ հարձակման սպառնալիքների պատճառով:

Freedom House-ը կոչ է անում իշխանություններին' կատարելու իրենց պատրավորությունները, պահպանելու փառատոնը և դրա կազմակերպիչներին և պաշտպանելու բոլոր քաղաքացիների խաղաղ արտահայտման ազատությունը:

Freedom House-ի 2012 թ. աշխարհում ազատության միասին զեկույցում Հայաստանը գնահատվել է որպես «մասնակի ազատ» և «ոչ ազատ»՝ 2011 թ. մամուլի ազատության մասին զեկույցում: 2011 թ. անցումային շրջանի ազգերի մասին զեկույցոււմ Հայաստանը դասակարգվել է որպես կիսակոնսոլիդացված ավտորիտար ռեժիմ:

Հայ և ադրբեջանական բնակչության միջև էթնիկ և տարածքային լարվածությունը մնում է բարձր: Կիսաինքնավար Լեռնային Ղարաբաղի շուրջ յոթամյա պատերազմն ավարտվել է 1994 թ. հրադադարով, բայց այն դեռ պետք է լիովին լուծվի: