Սիրիան մտադիր չէ պայքարել Իսրայելի դեմ. Պուտին
Աշխարհ
Ռուսաստանի Դաշնության նախագահ Վլադիմիր Պուտինը Իսրայելի վարչապետ Բենյամին Նեթանյահուի հետ բանակցությունների ընթացքում հայտարարել է, որ Սիրիան չի ձգտում Իսրայելի հետ ռազմական գործողությունների: Այդ կերպ նա մեկնաբանել է Իսրայելի վարչապետի խոսքերն այն մասին, թե Իրանը սիրիական բանակի աջակցությամբ, իբր, փորձում է Իսրայելի դեմ ստեղծել երկրորդ ահաբեկչական ճակատը Գոլանի բարձունքներում. փոխանցում է LifeNews-ը:
«Ինչ վերաբերում է Սիրիային, մենք գիտենք և հասկանում ենք, որ սիրիական բանակն ու Սիրիան այնպիսի վիճակում են, որ մտադիր չէ բացել երկրորդ ճակատը, այլ ցանկանում է պահպանել սեփական պետականությունը: Ինչ վերաբերում է ռմբակոծություններին, մենք դրանք դատապարտում ենք»,- ասել է Պուտինը:
Բենիամին Նեթանյահուն հայտարարել է, որ իր այցը Մոսկվա պայմանավորված է տարածաշրջանում վատթարացող իրավիճակով:
«Իսրայելը և Ռուսաստանը ընդհանուր շահեր ունեն` ապահովել կայունություն Մերձավոր Արևելքում: Ես այստեղ եմ անվտանգության ոլորտում ստեղծված բարդ իրավիճակի պատճառով, որն ավելի ու ավելի է վատթարանում: Այդ պայմաններում շատ կարևոր էր ինձ համար գալ այստեղ` մեր դիրքորոշումը պարզաբանելու համար, և ամեն ինչ անել, որպեսզի չհասկացվածություն չլինի մեր և ձեր ուժերի միջև»,-ասել է Իսրայելի վարչապետը:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
