Նորվեգիան ԱՄՆ-ից կգնի 52 կործանիչ-ռմբակոծիչներ

Նորվեգիայի իշխանությունները հաստատել են ԱՄՆ-ից 5-րդ սերնդի 52 F-35 կործանիչ-ռմբակոծիչներ գնելու մտադրությունը: Այս մասին հայտնում է Reuters-ը:

Նորվեգիայի պաշտպանության նախարար Ինե Էրիկսեն Սյորեյդեն հայտարարել է, որ Օսլոն վախենում է Ռուսաստանի կողմից Բալթյան ծովի տարածաշրջանում «ուժի ակնհայտ ցուցադրումից»: Նրա տվյալներով՝ վերջին ամիսներին ռուսական ինքնաթիռները բազմիցս խախտել են միջազգային օդային տարածքի սահմանները:

Նշենք, որ ԱՄՆ-ից կործանիչների գնման արժեքը, ըստ որոշ տեղեկությունների, կկազմի 10 մլրդ դոլար: