Հանրապետական Սքոթ Ուոքերը դուրս է եկել նախագահական մրցարշավից
Աշխարհ
Վիսկոնսինի նահանգի նահանգապետ հանրապետական Սքոթ Ուոքերը հայտարարել է ԱՄՆ-ի նախագահի պաշտոնի համար իր պայքարն ավարտելու մասին, տեղեկացնում է «Արմենպրես»-ը՝ հղում անելով BBC-ին:
Տարեսկզբին քաղաքական գործիչն առաջատար թեկնածու էր համարվում իր կուսակցությունից, սակայն վերջին ժամանակներս նրա ժողովրդականությունն անկում էր ապրել:
Սկզբում Ուոքերը ներգաղթյալների, արհմիությունների և աբորտների քննադատությամբ իր կողմն էր գրավել կուսակցության կողմնակիցների աջ թևին:
Վիսկոնսինի ղեկավարն ընտրողների հետ հանդիպումներին գնում էր իր Harley-Davidson մոտոցիկլետով:
Սակայն վերջին ժամանակներս նրա ժողովրդականությունը խախտվեց սկանդալային միլիարդատեր Դոնալդ Թրամփի ակտիվանալու ֆոնին, որի ընտրարշավը քաղաքական հակառակորդները պոպուլիստական են համարում:
Քննարկումների ընթացքում Ուոքերն արհմիությունների ղեկավարներին համեմատում էր «Իսլամական պետություն» խմբավորման զինյալների հետ:
Հարցումների համաձայն՝ սեպտեմբերին Վիսկոնսինի նահանգապետի օգտին կքվեարկեր Հանրապետական կուսակցության կողմնակիցների 0,5 տոկոսից ոչ ավելին:
Թրամփից բացի, Հանրապետական կուսակցությունից նախագահական աթոռի համար շարունակում են պայքարել Ջեբ Բուշը, նախկին նյարդավիրաբույժ Բեն Քարսոնը և սենատորներ Մարկո Ռուբիոն, Ռենդ Փոլը և Թեդ Քրուզը:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
