Լոնդոնը վերադարձրել է աշխարհի ֆինանսական մայրաքաղաքի կարգավիճակը

Լոնդոնը վերադարձրել Է աշխարհի խոշորագույն ֆինանսական կետրոնի կարգավիճակը, որը նա առաջին անգամ Նյու Յորքին Էր զիջել 2014 թվականի սկզբին: Այդ մասին, ինչպես տեղեկացնում Է «Արմենպրես»-ը, ասված Է Z/Yen Group ֆինանսական կոնսալտինգային ընկերության տեղեկագրում, որը կես տարին մեկ հաշվարկում Է Global Financial Centres Index-ը (GFCI):

2015 թվականի գարնանը նրանց միջեւ տարբերությունը կրճատվել Էր մինչեւ 1 կետ՝ հօգուտ Նյու Յորքի, իսկ աշնանը Լոնդոնն ամերիկյան մրցակցից առաջ Է անցել 12 կետով:

Մոսկվան եւ Սանկտ Պետերբուրգն այդ վարկանիշում կորցրել են երեքական տեղ՝ իջնելով համապատասխանաբար 78-րդ եւ 81-րդ հորիզոնականներ:

Նավթ արտադրող երկրների ֆինանսական կենտրոնների շարքում բացասական ռեկորդ Է արձանագրել Էր Ռիադը. Սաուդյան Արաբիայի մայրաքաղաքն իջել Է միանգամից 43 տեղով՝ մինչեւ 57-րդ տեղ:

Երրորդից հինգերորդ տեղերը փոփոխություններ չեն կրել, դրանք առաջվա պես զբաղեցնում են Հոնկոնգը, Սինգապորը եւ Տոկիոն: Տասնյակում տեղ են գտել նաեւ Սեուլը, Ցյուրիխը, Տորոնտոն, Սան Ֆրանցիսկոն եւ Վաշինգտոնը:

Եվրոպայում Մայնի Ֆրանկֆուրտը բարձրացել Է հինգ հորիզոնականով՝ մինչեւ 14-րդ տեղ այն դեպքում, երբ Լյուքսեմբուրգն իջել Է երկու դիրքով՝ մինչեւ 19-րդ տեղ:

Ասիայում դիրքերն Էապես բարելավել Է Օսական (+11), Լատինական Ամերիկայում՝ Սան Պաուլուն եւ Ռիո դե Ժանեյրոն (+12-ական), Ալմաթին, որն առաջին անգամ վարկանիշում ներառվել Է 2014 թվականի գարնանը, իջել Է երկու դիրքով՝ մինչեւ 51-րդ տեղ:

Շանհայը 16-րդ տեղից իջել Է 21-րդ տեղ, Պեկինը մնացել Է 29-րդ տեղում, Փարիզը՝ 29-րդ տեղում:

Ցուցակը եզրափակում են Տալլինը, Աթենքը եւ Ռեյկյավիկը. բոլոր երեք քաղաքները գարնանից իջել են երկուական հորիզոնականով:

Աշխարհի ֆինանսական կենտրոնների ինդեքսն առաջին անգամ հրապարակվել Է 2007 թվականին եւ նորացվում Է յուրաքանչյուր կես տարին մեկ ավելի քան 3 հազար պրոֆեսիոնալների հարցման հիման վրա: Այն հաշվի Է առնում հինգ խումբ ցուցանիշներ (ընդամենը 105 անհատական գործոններ)՝ բիզնես իրադրությունը, ֆինանսները, ենթակառուցվածքը, մարդկային կապիտալը եւ համբավը:

Z/Yen Group-ն ընդհանուր առմամբ դիտարկել Է 98 քաղաք, բայց նրանցից միայն 84-ն են բավարար քանակությամբ արձագանքներ ստացել վարկանիշում ներառվելու համար, հաղորդել Է «Ինտերֆաքս»-ը: