ԱՄՆ-ում Սաուդյան Արաբիայի արքայազնին մեղադրել են սեռական ոտնձգությունների մեջ
Աշխարհ
Ամերիկացի լրագրողները պնդում են, որ Լոս Անջելեսում իրավապահները ձերբակալել են Սաուդյան Արաբիայի արքայազնին: Մաջիդ Աբդել Ազիզ Ալ Սաուդը մեղադրվում է սեռական ոտնձգությունների համար: Ըստ նախնական տվյալների, առանձնատանը, որը վարձակալված էր, արքայազնը ստիպել էր մի երիտասարդ կնոջ սեռական հարաբերություն ունենալ իր հետ:
Ոստիկանությունը ձերբակալել է նրան և տեղափոխել ոստիկանության բաժանմունք, որտեղ նա ազատ է արձակվել 300 հազար դոլար գրավի դիմաց: Ըստ Los Angeles Times պարբերականի, Ալ Սաուդը չունի դիվանագիտական կարգավիճակ Միացյալ Նահանգներում, որը ենթադրում է անձեռնմխելիություն: Ակնկալվում է, որ թագավորական ընտանիքի ներկայացուցիչը դատարանի առջև կկանգնի հոկտեմբերի 19-ին:
Մինչդեռ, նախօրեին Սաուդյան Արաբիայում` Մեքքայում տեղի է ունեցել ողբերգություն: Հաջի ժամանակ հրմշտոցի հետևանքով զոհվել է ավելի քան 700 մարդ, ավելի քան 800-ը` վիրավորվել է: Հրմշտոցը տեղի է ունեցել այն պահին, երբ ուխտավորները մասնակցում էին Ռամի ալ-ջամարաթ ծիսակատարությանը, որի ընթացքում նրանք քարկոծում էին շայթանը խորհրդանշող երեք հենասյուները:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
