Ռուսաստանը հայտնել է այն պայմանները, որոնց դեպքում կմիանա ԻԼԻՊ-ի դեմ կոալիցիային

Մոսկվան կարող է միանալ «Իսլամական պետություն» ահաբեկչական խմբավորման դեմ միջազգային կոալիցիային, եթե մի շարք պայմաններ իրականացվեն: Այս մասին հայտնել են երկրի արտաքին գործերի նախարարությունից, տեղեկացնում է «Ինտերֆաքսը»:

«Տեսականորեն, դա հնարավոր է կոալիցիայի մեջ բոլոր շահագրգիռ խաղացողներին ընդգրկելու դեպքում, եթե այն ստանա ՄԱԿ-ի Անվտանգության խորհրդի սանկցիան` ուժ կիրառելու համար, և կգործի այն գիտակցմամբ, որ անհրաժեշտ է լիովին հարգել միջազգային օրենքը», - ասել է Ռուսաստանի արտաքին գործերի նախարարության նոր մարտահրավերների և սպառնալիքների հարցով վարչության պետ Իլյա Ռոգաչովը:

Նրա խոսքով` եթե այդ պայմաններն իրականացվեն, Ռուսաստանը կարող է միանալ խմբին, սակայն տվյալ կետերը «չգիտես ինչու անընդունելի են այդ կոալիցիայի համար»: