Ադրբեջանի ՊՆ-ն հայտնում է մեկ զինծառայողի զոհվելու մասին

Ադրբեջանի պաշտպանության նախարարությունը հայտարարություն է տարածել սեպտեմբերի 25-ին ադրբեջանական կողմից հրադադարի ռեժիմի խախտման հետևանքով մեկ ադրբեջանցի զինծառայողի զոհվելու առնչությամբ: Ինչպես հաղորդում է «Արմենպրես»-ը, այս մասին տեղեկացնում է ադրբեջանական ԱՊԱ գործա կալությունը:

Հաղորդագրության մեջ նշվում է, որ զոհվել է Ադրբեջանի զինված ուժերի զինծառայող Մամեդով Էլշան Վագիֆօղլուն, ևս երեք զինծառայող ստացել են թեթև բեկորային վնասվածքներ:

Սեպտեմբերի 25-ին' ժամը 17:30-ի սահմաններում, ադրբեջանական զինուժի կողմից թուրքական արտադրության TR-107 կայանքներից հրթիռահրետանային արկակոծման է ենթարկվել ՊԲ-ի հյուսիս-արևելյան ուղղությամբ տեղակայված զորամասերից մեկի պահպանության տեղամասը, որի արդյունքում բեկորային մահացու վիրավորում են ստացել ՊԲ զինծառայողներ Նորայր Միքայելի Խաչատրյանը (ծնված 1995թ.), Ռոբերտ Սուրենի Մկրտչյանը (ծնված 1995թ.), Հարութ Մաքսիմի Հակոբյանը (ծնված 1997թ.) և Կարեն Գևորգի Շահինյանը (ծնված 1997թ.): 16 հայ զինծառայողներ տարբեր աստիճանի մարմնական վնասվածքներով տեղափոխվել են հիվանդանոց: