Պուտինը խոսել է Ուկրաինայի հետ սահմանին ՌԴ ռազմական ներկայության մասին
Աշխարհ
Վլադիմիր Պուտինը խոսել է Ուկրաինայի հետ սահմանին Ռուսաստանի ռազմական ներկայության մասին: ՌԴ նախագահը նշել է, որ ռուսական զորքերի ներկայությունը սեփական սահմաններին «հանցագործություն» չէ: Նա հիշեցրել է Եվրոպայում ամերիկյան զորքերի մասին:
«Եվրոպայում գտնվում է ԱՄՆ-ի մարտավարական միջուկային զենքը, չմոռանանք դրա մասին: Ի՞նչ է, դա նշանակում է, որ դուք օկուպացրել եք Գերմանիան, թե միայն փոխակերպել եք օկուպացիոն զորքերը ՆԱՏՕ-ի զորքերի: Եվ եթե մենք պահում ենք մեր զորքերը մեր իսկ տարածքում՝ ինչ-որ պետության հետ սահմանի վրա, դուք կարծում եք, որ դա հանցագործություն է»,- ասել է նախագահը՝ ՄԱԿ-ի Գլխավոր ասամբլեայի շրջանակներում իր ելույթի նախօրեին ամերիկացի լրագրողին տված հարցազրույցում:
Ռուսաստանի ղեկավարն ընդգծել է նաև Ուկրաինայի հետ հարաբերությունների կարևորությունը և ինքնիշխանության հարգանքը:
«Մենք ցանկանում ենք, որպեսզի մյուս երկրները հարգեն այլ երկրներիի ինքնիշխանությունը, այդ թվում՝ Ուկրաինայի: Իսկ հարգել ինքնիշխանությունը, նշանակում է՝ կանխել պետական հեղաշրջումները, հակասահմանադրական գործողությունները և օրինական իշխանությունների անօրինական տեղահանությունը»,- ասել է Պուտինը:
Նա նշել է, որ ՌԴ-ն երբեք չի մասնակցել և չի պատրաստվում մասնակցել այլ երկրների լեգիտիմ իշխանության տապալմանը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
