Քերին և Լավրովը քննարկել են սիրիական ճգնաժամի կարգավորումը
Աշխարհ
ԱՄՆ-ի պետքարտուղար Ջոն Քերին եւ Ռուսաստանի արտաքին գործերի նախարար Սերգեյ Լավրովը հանդիպում են անցկացրել Նյու Յորքում եւ քննարկել սիրիական ճգնաժամի կարգավորումը, տեղեկացնում է «Արմենպրես»-ը:
ԱՄՆ-ի Պետդեպարտամենտի հայտարարության մեջ ասված է, որ կողմերը կարծիքներ են փոխանակել սիրիական խնդրի շուրջ: Լավրովը հայտարարել է, որ Ռուսաստանի և ԱՄՆ-ի դիրքորոշումները բավականին մոտիկ են «Իսլամական պետության» դեմ մղվող պայքարում:
«Ջոն Քերին այսօր հավաստեց, որ ԱՄՆ-ի ու նրա ստեղծած կոալիցիայի միակ նպատակն ահաբեկիչների և ԻՊ-ի դեմ պայքարն է: Դա նաև մեր նպատակն է: Եվ միակ բանը, որ առայժմ չի ստացվում դիրքորոշումների մերձեցման առումով՝ այդ ընդհանուր նպատակից գործնական եզրակացություններն են»,- ՌԴ ԱԳ նախարարի խոսքը մեջբերել է «Ինտերֆաքս»-ը:
«Բայց միասին աշխատելու ցանկություն կա թե՛ դիվանագիտական գերատեսչությունների, թե՛ զինվորականների կողմից: Որքան ավելի հաճախ ու կանոնավոր այդ հարցերը քննարկվեն պրոֆեսիոնալների մակարդակով, այնքան ավելի դյուրին կլինի լուծել մեր առջև ծառացած բարդագույն խնդիրը»,- հավելել է Լավրովը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
