Վրաստանը միացել է ՆԱՏՕ-ի արագ արձագանքման ուժերին

Վրաստանը միացել Է ՆԱՏՕ-ի արագ արձագանքման ուժերին, որոնցում ներկայացված կլինի մեկ վաշտով: Այդ մասին, ինչպես տեղեկացնում Է «Արմենպրես»-ը, սեպտեմբերի 29-ին հաղորդել Է հանրապետության վարչապետ Իրակլի Ղարիբաշվիլիի մամուլի ծառայությունը՝ վկայակոչելով նրա ելույթը Նյու Յորքում ՄԱԿ-ի խաղաղապահ գործողություններին նվիրված ամենամյա գագաթնաժողովում:

«Այսօր ՆԱՏՕ-ի արագ արձագանքման ուժերի պահուստում կա 130 վրացի զինծառայող»,-նշել Է քաղաքական գործիչը: Բացի դաշինքի հետ համագործակցությունից, Վրաստանը Եվրամիության ղեկավարությամբ ճգնաժամերի կարգավորման գործողությունների մասնակից Է, հավելել Է Ղարիբաշվիլին: «Այս տարի Վրաստանը Եվրամիության առաքելություններին մասնակցում Է Կենտրոնաֆրիկյան Հանրապետությունում, Մալիում եւ Ուկրաինայում»,-նշել Է նա: Բացի այդ, վարչապետը հիշեցրել Է 2001-2014 թվականներին Աֆղանստանում վրացական զորքերի ներկայության մասին:

ՆԱՏՕ-ի արագ արձագանքման ուժերն (NATO Response Force, NRF) ստեղծվել են 2003 թվականին: Այդ ուժերի խնդիրներից են մասնակցությունը խաղաղապահ գործողություններին եւ փրկարարական օգնությունն աղետների ընթացքում: 2014 թվականին ստեղծվել են գերարագ արձագանքման ուժեր ( Very High Readiness Joint Task Force, VJTF), որոնք կարող են ծավալվել մի քանի օրվա ընթացքում եւ ճգնաժամերը կանխել նախքան դրանց սաստկացումը: Վրաստանը դարձել Է արագ արձագանքման ուժերի՝ ՆԱՏՕ-ի անդամ չհանդիսացող չորրորդ մասնակիցը: Բացի նրանից, NRE-ին մասնակցում են Ֆինլանդիան եւ Շվեդիան, որոնք միացել են 2008 թվականին, եւ Ուկ րաինան, որը միացել Է 2014 թվականին, հաղորդել Է «Ինտերֆաքս»-ը: