ՌԴ Դաշնության խորհուրդը համաձայնություն տվեց Պուտինին՝ երկրի զինուժերն օգտագործելու Սիրիայում
Աշխարհ
ՌԴ Դաշնության խորհուրդը համաձայնություն է տվել Ռուսաստանի նախագահին՝ երկրի զինված ուժերն օգտագործելու Սիրիայում: Այդ մասին, ինչպես տեղեկացնում է «Արմենպրես»-ը, հղում անելով ՏԱՍՍ-ին, լրագրողներին հայտարարել է ՌԴ նախագահի վարչակազմի ղեկավար Սերգեյ Իվանովը:
«Դաշնության խորհուրդը 162 «կողմ» ձայնով միաձայն պաշտպանեց նախագահի դիմումը»,- հայտնել է նա:
Իվանովը պարզաբանել է, որ հարցը վերաբերում է Սիրիային: Նա ընդգծել է, որ խոսքը բացառապես ռազմաօդային ուժերի գործողության մասին է, ցամաքային ուժերի օգտագործումը բացառված է:
Ինչպես ավելի վաղ հաղորդել է Կրեմլի մամուլի ծառայությունը, Պուտինը Դաշնության խորհրդին առաջարկություն է ներկայացրել երկրի սահմաններից դուրս ՌԴ-ի զինված ուժերի զորակազմի օգտագործմանը համաձայնության մասին ԴԽ-ի որոշում ընդունելու վերաբերյալ՝ «միջազգային իրավունքի հանրաճանաչ սկզբունքների ու նորմերի հիման վրա»:
Վերջին անգամ Ռուսաստանի խորհրդարանի վերին պալատն այդ իրավունքից օգտվել է մարտի 1-ին, երբ Ռուսաստանի նախագահին համաձայնություն տվեց ՌԴ-ի զինված ուժերն օգտագործելու Ուկրաինայի տարածքում՝ մինչև այնտեղ իրադրության նորմալացումը: Հունիսի 25-ին Դաշնության խորհուրդը պետության ղեկավարի խնդրանքով չեղյալ է հայտարարել իր որոշումը:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
