ՌԴ-ն ԱՄՆ-ից պահանջել է Սիրիայից դուրս բերել ինքնաթիռները. ԱՄՆ-ն հրաժարվել է

Ռուսաստանի իշխանությունները պահանջել են, որ ԱՄՆ-ն անմիջապես դուրս բերի ռազմական ինքնաթիռները Սիրիայից: Այս մասին, ինչպես հաղորդում է Fox News հեռուստաալիքը, հայտարարել է ամերիկացի բարձրաստիճան պաշտոնյան: Այժմ, սակայն, նա վստահեցրել է, որ Վաշինգտոնը մտադիր չէ գործել այնպես, ինչպես պահանջում է Մոսկվան:

«Ոչինչ չի մատնանշում, որ մենք փոխում ենք գործողությունը Սիրիայում»,- մեջբերում է Fox News-ը աղբյուրի խոսքը: Ինչպես հաղորդում է հեռուստաալիքը, դա վկայում է սիրիական հարցով երկու երկրների միջև լարվածության նոր փուլի մասին:

Ավելի վաղ, Ռուսաստանի պաշտպանության նախարարությունից հայտնել են, որ Բաղդադում տեղեկատվական կենտրոնը համակարգում է Սիրիայում տեղակայված ԻԼԻՊ-ի դիրքերին հասցվող օդային հարվածները և փոխանցում է տեղեկատվությունը ԱՄՆ-ի ներկայացուցիչներին: Գերատեսչությունում պարզաբանել են, որ ռուսական զորքերի ներգրավմամբ օդային գործողության մասին տեղեկատվությունը կփոխանցվի նաև ամերիկացի գործընկերների տեղեկատվական կենտրոնին: