Տեսագրվել է ռուսական ռազմօդուժի կողմից ԻԼԻՊ-ի շտաբի հրթիռակոծումը (տեսանյութ)

Ռուսաստանի պաշտպանության նախարարությունը ցույց է տվել Սիրիայում ռուսական ռազմօդուժի կողմից «Իսլամական պետություն» ահաբեկչական խմբավորման հրամանատարական կետի ոչնչացման տեսանյութը:

Օդային հարվածները թիրախային են: Դրանք հասցվում են ռազմական տեխնիկային, տրանսպորտային միջոցներին, զենքի և զինամթերքի պահեստներին, ինչպես նաև վառելիքին, որը պատկանում է ահաբեկիչներին:

Մոսկվան դա անում է Սիրիայի ղեկավարության խնդրանքով և համաձայնեցնում է իր գործողությունները ոչ միայն Դամասկոսի, այլ նաև Բաղդադի և Թեհրանի հետ: Այդ նպատակով Բաղդադում ստեղծվել է հատուկ տեղեկատվական կենտրոն: