Թուրքիան և ևս վեց երկրներ կոչ են արել Ռուսաստանին դադարեցնել հարվածները Սիրիայում
Աշխարհ
Այսօր, Թուրքիայի արտաքին գործերի նախարարությունը հանդես է եկել հայտարարությամբ` յոթ երկրների կառավարությունների անունից` Ֆրանսիայի, Գերմանիայի, Քաթարի, Սաուդյան Արաբիայի, Թուրքիայի, Մեծ Բրիտանիայի և ԱՄՆ-ի:
Փաստաթղթում, թուրքական գերատեսչությունը յոթ երկրների անունից «խորը մտահոգություն է հայտնել Սիրիայում ռուսական ռազմական ներկայության հետ կապված», քանի որ նրանք կարծում են, որ «ռուսական օդուժի հարվածները Համայի, Հոմսի և Իդլիբի շրջաններում հանգեցրել են քաղաքացիական բնակչության շրջանում զոհերի», մինչդեռ պետք է ուղղված լինեն միայն ԻԼԻՊ-ի դեմ, գրում է Reuters-ը:
«Այդ ռազմական գործողությունները կարող են հանգեցնել հետագա սրման և հիմք ծառայել ծայրահեղականության ու արմատականացման համար: Մենք կոչ ենք անում Ռուսաստանին անմիջապես դադարեցնել իր հարձակումները սիրիական ընդդիմության ու քաղաքացիական անձանց վրա, և կենտրոնացնել իրենց ջանքերը ԻԼԻՊ-ի դեմ պայքարի վրա», - նշվում է փաստաթղթում:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
