Հայաստանի եւ Ռուսաստանի գլխավոր դատախազները ստորագրեցին համագործակցության ծրագիր՝ նախատեսված 2012-2013թթ. համար

Ապրիլի 25-ին աշխատանքային այցով Հայաստան է ժամանել Ռուսաստանի Դաշնության գլխավոր դատախազ Յուրի Չայկան:
Նույն օրը տեղի է ունեցել երկրու երկրների գլխավոր դատախազների առանձնազրույցը, որի ընթացքում քննարկվել են ՀՀ եւ ՌԴ գլխավոր դատախազությունների միջեւ համագործակցության մասին 22.09.06թ. ստորագրված Համաձայնագրի շրջանակներում երկու պետությունների դատախազական մարմինների փոխգործունեությանը, այդ թվում' կոնկրետ քրեական գործերով իրավական օգնություն ցուցաբերելուն վերաբերող հարցեր:

Հանդիպման ընթացքում ՀՀ գլխավոր դատախազ Աղվան Հովսեփյանը և ՌԴ գլխավոր դատախազ Յուրի Չայկան ապրիլի 25-ին ստորագրել են ՀՀ եւ ՌԴ գլխավոր դատախազությունների միջեւ 2012-2013 թթ. համագործակցության ծրագիրը: Ըստ այդմ՝ կողմերը պայմանավորվել են 2012-2013 թթ. համատեղ կազմակերպել կլոր սեղաններ եւ քննարկումներ հետեւյալ թեմաներով.
- Ծայրահեղական և ահաբեկչական նպատակներով ինտերնետն օգտագործելու դեմ պայքարի հիմնախնդիրները և պրակտիկան,
- Կոռուպցիոն բնույթի հանցագործությունների դեմ պայքարի ոլորտում փորձի փոխանակման, պրակտիկայի, պայքարի արդյունքների և ձևերի արդյունավետության քննարկման, ինչպես նաև կոռուպցիոն և այլ իրավախախտումների կանխարգելման հարցում դատախազությունների կադրային ստորաբաժանումների միջև փորձի փոխանակում,
- Քրեական գործերով իրավական օգնություն տրամադրելիս միջազգային համագործակցության ժամանակակից ձևերը և մեթոդները, քրեական գործերով հանձնման և իրավական օգնության ոլորտում Հայաստանի և Ռուսաստանի դատախազության մարմինների միջև համագործակցություն:
Աշխատանքային այցի ընթացքում ՌԴ գլխավոր դատախազ Յու.Չայկան ՀՀ գլխավոր դատախազ Ա. Հովսեփյանին հանձնեց իրավակարգի եւ օրինականության ամրապնդման ոլորտում հայ-ռուսական համագործակցության զարգացման գործում ունեցած մեծ ներդրման համար ՌԴ նախագահի՝ 14.04.2012թ. հրամանագրով շնորհված պարգեւը՝ «Պատվո շքանշանը»: