Մոսկվա-Երևան ավտոբուսի վթարից տուժածաների վիճակը ծանր է

Բժիշկ Նիկոլայ Ռուսակովը РЕН ТВ-ի հետ զրույցում հայտնել է, թե ինչ վիճակում են գտնվում Տուլայի մարզում ավտովթարի հետևանքով տուժածները:

Նրա խոսքով՝ 5 մարդ այժմ վերակենդանացման բաժանմունքում է: Լրագրողների հարցին, թե արդյոք կպահանջվի՞ վերջույթների անդամահատում, բժիշկը պատասխանել է. «Հիվանդների վիճակը շատ ծանր է»:

Նա հավելել է նաև, որ 10 մարդ այժմ տրավմատիկ բաժանմունքում է, ևս երկուսը՝ վիրահատական:

Հիշեցնենք՝ Տուլայի մարզում М-4 ավտոմայրուղու վրա շրջվել է ուղևորատար ավտոբուսը, ինչի հետևանքով զոհվել է յոթ մարդ, 47-ը՝ վիրավորվել, որոնցից 17-ը հոսպիտալացվել է:

Վարկածներից մեկի համաձայն՝ ավտոբուսի վարորդը քնել է ղեկին, ողբերգության մյուս հավանական պատճառը տեխնիկական խափանումն է եղել: