ՀՀ ԱԳՆ-ն ճշտում է Հարավային Սուդանում վթարված ինքնաթիռի անձնակազմի հայ լինելու մասին տեղեկությունը

Հարավային Սուդանում ռուսական անձնակազմով բեռնատար ինքնաթիռի վթարի, ինքնաթիռի անձնակազմի հետ կապված մանրամասները ճշտվում են: Այս մասին տեղեկանում ենք ՀՀ ԱԳՆ-ի ֆեյսբուքյան պաշտոնական էջից: 

Մինչ այդ, ՀՀ քաղաքացիական ավիացիայի գլխավոր վարչությունն արդեն հերքել է, որ վթարված ինքնաթիռը գրանցված է եղել Հայաստանում: «Հարավային Սուդանում կործանված ռուսական Ан-12 ինքնաթիռը Հայաստանում գրանցված չի եղել և որևէ հայկական ընկերության չի պատկանում»,- «Արմենպրես»-ի փոխանցմամբ' «Ինտերֆաքսի»' սեփական աղբյուրներին հղված տեղեկատվությանն ի պատասխան ասել է ՀՀ Քաղավիացիայի գլխավոր վարչության մամուլի քարտուղար Ռուբեն Գրձելյանը' հավելելով, որ ինքնաթիռի անձնակազմի վերաբերյալ տեղեկատվությունը ճշտվում է:

Ռուսական մի շարք լրատվամիջոցներ տեղեկատվություն էին տարածել, որ Հարավային Սուդանում կործանված ռուսական բեռնատար ինքնաթիռը գրանցված է եղել Հայաստանում և պատկանել է հայկական կազմակերպության:

Նոյեմբերի 4-ին Reuters գործակալությունը հայտնել էր, որ ինքնաթիռն ընկել է օդանավակայանից 800 մետր հեռավորության վրա: Ուգանդայում Ռուսաստանի դեսպանությունը, որն զբաղվում է Հարավային Սուդանի գործերով, հավաստել է Ան-12-ի կործանման փաստը, հավելելով, որ զբաղված են պատահարի հանգամանքները պարզելով: Ականատեսները վկայությամբ 40-ից ավելի մարմիններ կան փոխադրական ինքնաթիռի կործմանման վայրում: Իշխանությունների ներկայացուցիչների խոսքով՝ օդանավում եղել է շուրջ քսան մարդ, այդ թվում՝ 10-ից մինչև 15 ուղևորներ և ռուսական անձնակազմի հինգ անդամներ: Թե քանի մարդ է զոհվել գետնի վրա բեռնատար ինքնաթիռի կործմանման հետևանքով, չի հաղորդվում: Նախնական տվալներով՝ ողջ է մնացել երկու մարդ՝ անձնակազմի անդամներից մեկը և մի երեխա: ՌԻԱ «Նովոստին» հաղորդում է, որ անձնակազմի անդամները հայեր են: