«Անոնիմուսների» երթն ավարտվեց Ազատության հրապարակում (տեսանյութ)

 Մեկնարկել է Անոնիմուսների ամենամյա 3-րդ երթը՝ Երևանի փողոցներով:

Ակցիայի մասնակիցները երթով շարժվել են Հանրապետության հրապարակով, եղել են կառավարության շենքի մոտ, այնուհետև փորձել են երթով անցնել նաև ԱԱԾ շենքի մոտով, ինչը ոստիկանները թույլ չեն տալիս: Անոնիմուսների երթի մասնակիցները փակել են Նալբանդյան-Սայաթ Նովա խաչմերուկը: Երթի մասնակիցներից ոմանք նստել են գետնին և սպասում են Ոստիկանության որոշմանը: 

Ոստիկանությունը հորդորում է երթը կազմակերպել նախապես հայտարարված ուղղով, այլապես կդիմեն համապատասխան միջոցների:

Նախապես հայտարարված երթուղին հետևյալն է` Մաշտոցի պողոտա, Ամիրյան փողոցով, Հանրապետության հրապարակ, Նալբանդյան փողոց և կրկին Ազատության հրապարակ:

Առանց այլ միջադեպերի Երեւանի Ազատության հրապարակում ավարտվեց Անոնիմուսների 3-րդ երթը։