ԱՄՆ դեսպանի կարծիքով ՀՀ կառավարությունը գիտակցում է ընդգրկուն բանավեճի անհրաժեշտությունը

Հայաստանի Հանրապետությունում Ամերիկայի Միացյալ Նահանգների արտակարգ և լիազոր դեսպան Ռիչարդ Միլսը խրախուսում է հավասար հնարավորությունների ստեղծումը Սահմանադրական փոփոխությունների «դեմ» և «կողմ» տեսակետների համար:

«Մեր դիրքորոշումն է, որ կառավարությունը պետք է հավասար հնարավորություններ ապահովի սահմանադրական փոփոխությունների համար: Կարծում եմ, որ կառավարությունը գիտակցում է ընդգրկուն բանավեճի անհրաժեշտությունը: Հայաստանի բարեկամ մյուս երկրների նման մենք մոտիկից հետևում ենք ընթացքին, և ակտիվ շփվում ենք քաղաքացիական հասարակության ներկայացուցիչների հետ»,- «Արմենպրես»-ի փոխանցմամբ' լրագրողների հետ զրույցում այս մասին ասաց ամերիկացի դիվանագետը' կարծիք հայտնելով ՀՀ-ում սահմանադրական փոփոխությունների և նրա շուրջ ընթացող քաղաքական քննարկումների վերաբերյալ: