Ազգային ժողովը կողմ քվեարկեց կառավարության ներկայացրած մի շարք նախագծերի

Կառավարության սահմանած օրակարգով Ազգային ժողովում շարունակվում է արտահերթ նիստը:

Նիստի մեկնարկին քվեարկության դրվեց արտահերթ նիստի օրերին քննարկված հարցերը:

Քվեարկության դրվեց կառավարության կողմից ներկայացված «ՀՀ դատական օրենսգրքում փոփոխությունններ կատարելու մասին»  օրենքի նախագիծն առաջին ընթերցմամբ ընդունելու մասին հարցը: Որոշումն ընդունվեց ձայների 85 կողմ, 3 դեմ և 11 ձեռնպահ հարաբերակցությամբ:

Քվեարկության դրվեց նաև «Հարկերի մասին ՀՀ օրենքում լրացում կատարելու մասին» օրենքի նախագիծն առաջին ընթերցմամբ ընդունելու մասին հարցը: Որոշումն ընդունվեց ձայների 88 կողմ, 2 դեմ, 13 ձեռնպահ հարաբերակցությամբ:

Քվեարկության դրվեց նաև կառավարության կողմից «Հարկերի մասին ՀՀ օրենքում փոփոխություններ և լրացումներ կատարելու մասին» և կից ներկայացված օրենքների նախագծերի փաթեթն առաջին ընթերցմամբ ընդունելու հարցը: Նախագծին կողմ քվեարկեց 88 պատգամավոր, դեմ՝ 3-ը, ձեռնպահ՝ 13-ը:

Քվեարկության դրվեց «Կառավարության կողմից սահմանամերձ համայնքներում գործունեությունը հարկերից ազատելու մասին» ՀՀ օրենքում փոփոխություններ և լրացումներ կատարելու մասին օրենքի նախագիծն առաջին ընթերցմամբ ընդունելու մասին հարցը. նախագիծն ընդունվեց 103 կողմ, 0 դեմ, 0 ձեռնպահ քվեով:

Դրամարկղային գործունեության մասին ՀՀ օրենքում փոփոխություններ կատարելու մասին օրենքի նախագիծն առաջին ընթերցմամբ ընդունելու մասին հարցին կողմ քվեարկեց 81 պատգամավոր, դեմ՝ 2-ը, ձեռնպահ՝ 19-ը:

Կառավարության կողմից ներկայացված գործունեության իրականացման ծանուցման մասին և կից նախագծերի փաթեթն առաջին ընթերցմամբ ընդունելու մասին հարցին կողմ քվեարկեց 89 պատգամավոր, դեմ էր 1 պատգամավոր, ձեռնպահ՝ 13-ը:

Հայաստանի Հանրապետության «Կենտրոնական բանկի մասին ՀՀ օրենքում փոփոխումներ և լրացումներ կատարելու մասին» և կից նախագծերի մասին փաթեթը երկրորդ ընթերցմամբ և ամբողջությամբ ընդունելու մասին հարցն ընդունվեց 70 կողմ, 6՝ դեմ և 28 ձեռնպահ ձայների հարաբերակցությամբ:

«Առևտրի և ծառայությունների մասին» ՀՀ օրենքում փոփոխումներ և լրացումներ կատարելու մասին և վարչական իրավախախատումների վերաբերյալ ՀՀ օրենքում փոփոխություններ կատարելու մասին հարցն առաջին ընթերցմամբ ընդունվեց ձայների 81 կողմ, 6 դեմ և 15 ձեռնպահ հարաբերակցությամբ: