Ուժեղ քամին Երևանում և Աշտարակ-Ուջան ճանապարհին ծառեր է տապալել և խոչընդոտել երթևեկությանը

Նոյեմբերի 12-ին, ժամը 03.08-ին ահազանգ է ստացվել, որ Երևանի Շիրակի փողոցում՝ հայ-բելառուսական առևտրի կենտրոնի մոտակայքում, ծառի ճյուղերը կոտրվել, ընկել են ավտոճանապարհի երթևեկելի հատվածին և խոչնդոտում են երթևեկությանը. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Հրշեջ-փրկարարները ծառի ճյուղերը հեռացրել են ավտոճանապարհից:

***

Նոյեմբերի 12-ին, ժամը 03.04-ին տեղեկություն է ստացվել, որ Երևան-Գյումրի ավտոճանապարհին՝ Ագարակ գյուղի մոտակայքում, բարդու ծառն ընկել է ճանապարհին՝ այն դարձնելով միակողմանի երթևեկելի. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ բարդու ծառն ընկել է Մ-1 ավտոճանապարհի Աշտարակ-Ուջան հատվածի 11-րդ կմ-ին. տուժածներ չկան:

Հրշեջ-փրկարարները ծառը հեռացրել են ավտոճանապարհից:

***

Նոյեմբերի 12-ին, ժամը 07.37-ին ահազանգ է ստացվել, որ Երևանի Նոր-Նորքի 8-րդ զանգվածի թիվ 31 շենքի մոտակայքում բարդու ծառը պոկվել, ընկել է ավտոճանապարհին և խոչընդոտում է երթևեկությանը. անհրաժեշտ է փրկարարների օգնությունը:

Դեպի վայր է մեկնել մեկ մարտական հաշվարկ:

Հրշեջ-փրկարարները «Կանաչապատման» ընկերության աշխատակիցների հետ համատեղ մասնատել են ծառը և տեղափոխել: